Chah kem kawi wa i drugs wa chongdor T. 17 klur

Kiwa kreh ka Narcotics Control Bureau (NCB) da kem ki ya kawi ka bru wa tip kam ka Khiangte Lalthlamuani (47 snem i rta) hadien wa chem ki wa kit Cocaine ko wa khia 2.85 Kg iwa chong dor T. 17 Klur ha ka muna kti ko heipor wa hiar ko ha Chhatrapati Shivaji International Airport, Mumbai ha ka 3 tarik uni u bnai.

Kani ka bru toh kawa dang wan na i chnong Lome naka ri Togo (West Africa) lyngba ka airplane ka Ethiopian Airlines. Hadien wa yoh yutip wa kani ka bru kit drugs ko kiwa kreh ka NCB da sylli ya ki muna wa rah ko wei da chem ki ya ki drugs wa da song ha ki plastic khian kiwa heh kat ki dawai kuli wa thap ko ha ka tadong kiad.

Kiwa kreh dang takit ki yow chem cheiwon de ki ri wa ki thaw da lai ko kamjooh ya ki bru wa da phone ko yow chem tre ya ki bru wa kreh lang ko.

Ya kani ka bru da pynngat ya ka hapoh ka aiñ Narcotics Drugs and Psychotropic Substance Act wei da suba toh kawa na Mizoram wei jooh sah ko leh ha Shillong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024