Jowai: Ka chnong Lapangap wa haap hapoh ka Constituency u Sniawbhalang Dhar da maad ko yei eh wa khroo hei yatoh wa i lai i wan khamtam heipor slap, kamjooh leh pynthut ko ya ka kamai kajih kawa pynim ya u paidbah wei da ktah joor ko ya kiwa kjut ki wym ye ki pli u yoh yei dawai heipor wa biang.
Katwa joor ware wa sih u sarok da sah ki kari ha chiteiñ luti ha ki ktieh ki thlu wa heh wei katwow lait na kani ka sarok manda poi cha ki sarok wa da siang psiang ki kari da sap ktieh lut ki wei ki wa yah kari haap u sangeh ki yow sait kari chwa wow psiah cha sor Jowai.
Heipor election suk ka lai ka wan neibhah da pynkreh ya u sarok kam wow pynbiej ya ki paidbah wei manda wyrchaw wa ka sorkar Assam, ka sorkar Meghalaya chiboon yoo yeiwa krehbha ka sorkar Assam khamtam ya ki chnong wa em cha khappood khnang wow yoh ko u kam hok ya i thaw katwa ka sorkar Meghalaya won ym bna ko u pait ya i suk i saiñ kiwa chong cha nongkyndong kamjooh leh cha kiwi kiwi thaiñ khappood.
Da kyntu leh ya ki Waheh Chnong ym toh leh u pait ki du yei myntoi samen kamjooh u krehlang wa ki seiñ waphær waphær khnang wow pynkreh smat ya u sarok kamjooh ha waroh ki chnong kiwa haap hapoh ka Constituency Nartiang.
Kani toh katkam wa pyntip u Augustin Timung, President ka Tylli-yonglang Sport Club Lapangap.
Discussion about this post