Hadooh 117 tylli ki skur wa yoh myntoi na ka ADB hapoh ka jylla

Shillong : Ka montri wa pait ya ka puræ puthi ka Deborah C. Marak ynne ka sngi da booh moo yurim ko ya ka Rongsakgre Higher Secondary School, West Garo Hills kawa da kyrchaan da ka Asian Development Bank (ADB) hapoh ka skim Human Development Project hei emlang u Parliamentary Secretary in-charge PWD (Building), u Brigady N Marak wa u Director of School Education and Literacy, u Ambrose Ch Marak.

Ka montri da pyntip ko wa dei yarap ka Asian Development Bank u chna pynmiat ya ki yung skur, wei da boon tylli ki skur wa da yoh myntoi ki ha kylleiñ ki Block hapoh ka jylla.

Da ong ko leh wa hapoh kani ka Human Development Project daw yoh hikai kiwa sikai kamjooh leh ki tiar ki tar wow yarap ya ki u sikai ya ki khynnah.

U Brigady N Marak won da ong u wa ki khynnah puræ daw yoh myntoi ki chiboon neini yow pynkhreh ya ki u lai puræ cha ki kyrdan wa heh wei ka poisa wow chna ya kani ka skur da poi ko T. 2.42 Klur.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Ambrose Ch Marak hei klam yong oo da pyntip u wa da em hadooh 117 tylli ki skur wa da yoh yarap na ka ADB wei kini ki skur daw yoh ki leh ya ki Computer, ki miej ki chuki wa kiwi kiwi kamtæ da kyntu u ya ki paidbah wow ya krehlang waka sorkar yow man kani ka kaam kawa jop.