E yaroh ka GSU ya ka NPP wa ka GNC wada pynman aiñ ki heiwow yada ya ki Garo

Tura : Ka Garo Students’ Union (GSU) da pynsñiaw ko yei sñiawngooh wa i yaroh ya ka NPP wa ka GNC kiwa dang dep pyndooh bor synchaar hapoh ka GHADC yei chlur wei yei yoo jngai ki deiwa pynman aiñ ki ya ki Dustur Riti ki Garo lyngba ka Garo Customary Act ka wow yada ya ki jait bru Garo.

Ki Hindu, Muslim kamjooh leh kiwa khian paaid kwah ki u yada ya jaar jiar i jait i ngait ki kamjooh leh ka jait bru ym man i iwa pher iwa leh ka GHADC lyngba ka aiñ yong ka.

Ka GSU leh da ong ko wa ym kwah ki wa ka ri-loom Garo u man ko kam ka Tripura heiwa da yohlaad ki Bengali u synchaar ya ki tre chnong. Kani ka aiñ thymme daw pyntikna ko wa du ki Garo paka wow yoh yei hok wei kiwa khleh jait kattu ym yoh de ki u kamtre ya ki thaw ki bhaw ki khih ki khan.

Ka aiñ Land Transfer Act da yarap ko kattu katni wow yada ya ki thaw ki bhaw tangwa kani ka aiñ em ko boon bha ki duna heiwa ki baar jylla da yoh ki u kamtre ya i thaw deiwa ya chong kurim wa ka Garo. Wei em leh kiwa chongkurim wa ki kynthai Garo yow yoh bynta ki ha i khih i khan.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024

Tangwa deiwa em kani ka aiñ thymme wa kdaw che wa kiwa choong kurim wa ki jait bru ki wym toh ki Garo ym em hok ki u man kam ki Garo, ka seiñ GSU da yooluti wa neini cha khmat daw wiar noh i chong kurim wa ki wym toh jait bru Garo.

Also Read: Pdiang ka GHADC ya ka Garo Customary Bill 2009 wow yada ya ka jaitbru Garo