Shillong: Ka Meghalaya College Teachers Association (MCTA) da pynman ko ya ka yalang kutsnem yong ka kawa 32 snem kawa da pynman ha Hall ka St. Edmund College Shillong.
Ha kani ka yalang, u Vice Chancellor ka North Eastern Hills University u Prof S.K. Srivatava da man u kam u kongsan.
Hei klam u Prof S.K. Srivastava da khana u yei mynsien wa kmen wow ya emlang wa kiwa sikai College wei da kyntu u wow kreh ki neibynta ka imlang sahlang.
Da yoh leh yei kyntien lamphang na ka president ka MCTA ka Dr. BH Buam kawa da ong ko wa sñiawkhia ko yeiwa mih ki thaw puræ kamwa mih ki tit iwa ktah yei burom ka jylla.
Boon ki skurbah yong ki bru samen toh ki wym yei u chaniah yei rukom krehkaam ki. Kiwa wan mih ha Meghalaya da booh ko yei ma khamtam ya ki khynroo khyllood wa duna hei yoh i kot da ong ka Dr. Buam.
Kiwi kiwa da klam kynthup ki ya u Prof Biswajit Bhuyan uwa man kam u National Secretary ka AIFUCTO, u Prof M Lokendro Singh, u Zonal Secretary, ka AIFUCTO (North East), U Dr. Sylvanus Lamare u Principal ka St. Edmund College wa kiwi kiwi.
Ha kani ka yalang da pynkupburom leh ya kiwa sikai College warim ha ki College waphær waphær ka jylla.
(Photos Courtesy MCTA FB Page)
Discussion about this post