Jop u Kupar Shadap ya i naam Sur Season 3

Jowai: Ka rwai pyllah ka wa da tip kam ka Sur Season 3 ka wa da pynlai daka Kyntu Yei Sap Entertainment Society da poi ko chawa kut ynnin ka sngi ha District Library Auditorium Mynthong, Jowai.

Ha kani ka rwai pyllah da pynman hadooh 5 bynta, heiwa  nadooh wa sdang da em ki 53 ngut kiwa chimbynta katwa kiwa da poi wan cha ka bynta wow riai jop da em ki sa du 10 ngut kiwa kynthup ya ka Gracious Susngi, u Esmonderous Suting, u Pancracious Ryndong, Raplang Khonglang, u Rikyrpang Sumer, u Francis Phawa, ka Kraijait Sungoh, u Hasterwell Surong, u Kupar Shadap wa u Emsalon Dkhar kiwa da rwai mar iwi i sur ha kani ka bynta wa khaddooh wow rai nongjop.

Kamtæ na pyrdi kini ki 10 ngut ki nongrwai, u khynroo Kupar Shadap uwa na ka chnong Mookyndeng, West Jaintia Hills da yoh u rah ya i naam jop yong ka Sur Season 3 deilang wa ka song poisa wa chi lak tyngka. Wa wan wa ar da rah da u Francis Phawa uwa na ka dong Carolyn Colony, Jowai uwa da yoh ya ka song poisa 40 hajar tyngka katwa ya i naam wa le da rah da u  Raplang Khonglam uwa na ka chnong Sohryngkham, East Khasi Hills deilang wa ka song poisa wa 20 hajar tyngka.

Ya ka rai jied ya kiwa jop ha kani ka rwai pyllah da bichar ha ryngkat i bichar ki paidbah lyngba ki boot.

Ya ka rwai pyllah ha kani ka sngi da pynlai da u Dameyoki Dkhar founder KYS Society Jowai hwiwa da wan sakhi wa u ma Leo Majaw, u ma Dooney Rani u International Referee ka yalehke Kick Boxing wa u ma Elnathan Pale Chief Adviser JSU-CB.

Ka KYS ha kani ka sngi da saam khusnam ko leh cha ki wa jop ya ka Season 1, Season 2, cha ki wa wan chimbynta, kamjooh leh ya ka philm Dathehlut ka wa man kawi na ka phlim wa nyngkong hapoh Jaintia kawa da yoh ya ka Award ha u snem 2013, da pynkup burom leh cha u nongjop yong ka North East Beat Contest wa cha u Hameshaniah Suiam uwa man u nong yalehke Kick Boxing uwa da wanrah burom ya ka jylla deiwa jop u ya ka yakhun Kick Boxing hapoh Kolkatta kamjooh leh u wa daw mihkhmat na ka Ri India wow lai yakhun sa  cha ka sor Dublin, Ireland.

Related posts

Rs. 2.90 lak u pynkhle ka Kur Sookpoh Khadar Wyrnai ha ka Lucky Draw 2026

February 7, 2026

Da kyrriah sngi pynkhle ya ka Lucky Draw ka Dorbar Chnong Moolamylliang

February 6, 2026

Da pynchongchit chooh chooh ya kani ka sngi da i leh jadu u John Lanong, wa kiwi kiwi.

[youtube id=”250aeKY-YBI” align=”right” mode=”normal” autoplay=”no” maxwidth=”1170″]