U Mukul wa ka Congress toh kiwa chim kabu ya i ngait niam ki paidbah : BJP

Shillong: Ka Meghalaya State BJP ynne ka sngi da e yaroh ko ya ka sorkar u Modi hadien wa da pynkylla ko ya ka sngi Digi Dhan Mela cha kawi tawan ka tarik lait noh na ka 14 Naitung (April) neidaw wa man ko ka Good Friday.

Ha ka chithi wa em u no. DO No. A-48011/3/2017-GCS(Part) kawa da phah bran bran da u Chief Executive Officer, NITI Aayog, New Delhi cha ki Chief Secretary ka jylla Meghalaya, Nagaland wa Mizoram da ong wa neidaw wa ka Good Friday haap ko ha ka 14 Naitung kawa daw pynman leh kam ka Digi Dhan Mela, da kyrriah noh ya kani ka sngi cha kawon kawon ka tarik kawa sñiawbiang kini ki sorkar ki le jylla.

Ka Meghalaya State BJP, da ong ko wa ka seiñ BJP toh kawa burom ya ki niam ki rukom kiwi kawa kreh ha ka thong wa ong “Sabka Saath Sabka Vikas” næ iwa mut emkaam u yakrehlang wa neibynta i roi i paar khlem da em iwon iwon i niaw chilliangkhmat.

Heijooh i por da beiñ ko leh ya u Monktri Rangbah ka jylla u Dr. Mukul Sangma uwa sarong uwa pait du yei myntoi samen wa ya ka Congress kiwa smat u pynemkaam bakla ya i ngait niam ki paidbah ka jylla wei ka Congress leh da pynpoh ko pyn daka yaka hi wow yoh myntoi ko.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Yeini da leh ka Congress dei thmu wa sih wow yada ko ya ki kaam wa synchaar bakla wa kamjooh ki kaam tooh yong ka” da ong ka BJP, Meghalaya.

Kani toh katkam ka khubor na u Spokesman, BJP, Meghalaya u Basu Chakraborty.