Ka esikai ya ki khynnah NCC wa NSS chaphang wow dam u pynemkaam da ki poisa kot wa ki aiñ wow pynemkaam ha sarok

Shillong: Da pynman ya ka esikai wa tip kam ka Digital Payment Campaign and Road Safety Awareness Programme da ka NCC wa ka NSS yong ka Shillong College ynne ha kani ka thaw puræ.

Ha kani ka sngi u Principal ka Shillong College u Dr. K.D. Ramsiej da pdiang burom u ya kiwa em ha kani ka sngi wei da ong u wa ka NCC toh kawi na ki kaam kawa da pynpliah wei pynwandur yei rukom man u.

U Commanding Officer ka 61 Meghalaya Girls Bn., u Col. P.C. Pawar da ong u wa da jied ya ki dkhot ka NCC toh ki u ye ki u pynpliah ki pyndaki ya ki hi yow ye ki u pynchlur wow sikai ya kiwi chaphang i stat ka juk wa katni wa ki kaam wow yada ya ki paidbah ha ki sarok namo ka Road Safety.

Ka SBI Chief Manager, Region 1, ka Lalnilawmi da ong ko wa i tip chaphang ka stat ka juk katni næ ka Digital Awareness Programme wow leh yeiwa da thrang da u Prime Minister ka ri.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwa kreh ka SBI da pynche ki ya ki khynnah yei emkaam wow dam noh u pynemkaam da ki poisa wei wow su noh da ki tiar ka juk wa katni kam ki ATM, ki E-payment, ki Mobile Banking, wa kiwi kiwi.

Heijooh i por ki pulit pyllai kari na ka Rynjah Traffic Department hapoh i yahkhmat ka Inspector K.D. Marngar, u SI T.N. Marak wa u constable B.N. Dkhar da esikai ki chaphang ka phang Road Safety.

Ka Marngar da kyntu ko ya ki dkhot ka NCC wow bood ki ya ka aiñ wei heijooh i por leh wow yarap ya kiwa mynso, ym toh u man ki kam kiwa paitke donhi. Ya kiwa yarap katni da yada ya ki da ka aiñ wei i yarap yong ki daw pyllait im ya kiwa mynso.

Waroh ynne ka sngi da em 500 ngut ki dkhot ka NCC wa 100 ngut ki dkhot ka NSS na kylleiñ ki skur wa ki College.