Khlaad kawi ka manbei wei mynsoo 7 ngut hadien wa tyrrah ka sumo ya i chram ha Raliang

Jowai: Katkam ka yutip wa da yoh na ki pulit da ong wa yoh ki ya kawi ka ujor na u Head Constable u M.T. Susngi yong ka Raliang Police Outpost.

Ha kani ka ujor da ong wa ha ka 10 tarik uni u bnai heipor kamwa 9:30 i step da e mi yatryrrah kari ha Umpasait, Raliang, West jaiñtia Hills heiwa kawi ka kari kamai TATA Sumo wa em u No. ML04-A-9542 da tyrrah ko ya i kyrroh.

Ya kani ka kari da yah da u Wandeihun Papiah uwa na ka chnong Tum Tum wei thmu ko wow lai na Tihwieh cha Phramer wei manda poi ha Umpasait, Raliang neidaw wa khalær uwa yah da tyrrah u ya iwi i chram.

Ha ini i jia da mynsoo 7 ngut kiwa chnong hapoh kani ka kari wei da dooh yei mynsien kawi ka bru wa tip kam ka Basis Dkhar (48 snem i rta) na ka chnong Niawkma ha Civil Hospital, Ialong neidaw wa da mynsoo joor ko.