Maham ka seiñ u ujor PIL pyrchah ya ka tnat PHE

Jowai: Ka seiñ WJNC Changpung Unit hadien wada yoh ko ya ka jubab RTI na u EE uwa man leh kam u PIO ka tnat PHE neiliang ka seiñ lyngba u President yong ka u Byntami Sungoh da ong u wa ympu biang ka rukom saam ya kani ka scheme paikhana kawa man ka scheme ka wa yoh myntoi kiwa chong chnong kani ka chnong.

Da ong chooh chooh ka seiñ wa i jubab RTI ka tnat man i i wym biang ya kawa da booh da u President ka seiñ.

Heijooh i por neiliang yong ka seiñ da kyntu ko ya u PIO wow jubab u dei miat ya ka RTI katkam wa kwah wei da lym kamtæ u File ko da ka PIL pyrchah ya kani ka tnat watoh u pait ya kani ka Scheme.

Kam wa man kattæ hadien wada yoh ya ka RTI neiliang ka seiñ da maham joor ko ya kiwa emkti wow kreh ya kani ka scheme wei lada man ko kawa bakla neiliang ka seiñ u lai ko cha ki bor wa ha khlieh khnang wow yoh ya i hok ki paidbah.