Shillong: U Senior Working President ka United Democratic Party (UDP), u Bindo Mathew Lanong da mai da kyrha u ya ki 4 ngut ki MDC ka party kiwa lai kyrchaan ya ka liang synchaar ha Khasi Hills Autonomous District Council (KHADC) ka People Democratic Forum (PDF) hapoh i yahkhmat u Pynshngain N Syiem kam u Chief Executive Member (CEM), hanlada ka CEC yong ka party da phah ko ya ki wow ran dien ki nei kyrchaan ya ka PDF hadien wa chem ka House Committee ya ki kaam baamtooh ka EC u PN Syiem.
U Bindo da kylli u wa kammon wa kini ki soo ngut ki MDC ki dang kwah ki wow yakreh wa ka PDF, kynthup ya u dkhot yong ka House Committee, uwa man leh kam u PP Leader yong ka party ha KHADC u Teiñwel Dkhar uwa da soi ya ka report yong ka House Committee.
“I em i ki kyndon wow pyrchah ya kiwa tyngkheiñ aiñ wei ya kitu kiwa leh pyrchah yeini ka party hapoh kitæ ki kyndon ka party daw pynchitom ya kini ki 4 ngut ki MDC, kini ki soo ngut daw chah pynchitom ki lada ym kylla wamut de ki kiwa da lai pyrchah ya ka rai ka Central Executive Committee (CEC) “, da ong u Bindo.
U wa yahkhmat ya ka UDP da ong u ” Ka party da phah pynche ko na kini ki 4 ngut ki MDC yeiwa leh pyrchah ki ya ka rai ka party wei lada ym ye ki u jubab næ kylla wamut ye ki leh wow chah beh noh na ka party”.
Da ong chooh chooh u Bindo wa lada kwah scheme næ kwah chuki ki na u Pynshngaiñ ymtoh u e daw hi-eh ki deiwa thok wa jlær wei oo (Bindo) smat u wow yachem wa ki.
Hei yatoh wa i pynbad u Pynshngaiñ wa ka 10th Schedule yong ka Riti Synchaar ka Ri ym ye ko u krehkaam ha ki District Council, kamjooh leh ka rai yong ki Political Party pyrchah ya ki MDC, neiliang u Bindo da ong u “kwah O u yachem wa u PN Syiem neibhah ymtip u iyi iyi chaphang kani ka bynta wei man u u bru u wym tip ya ka aiñ”.
Discussion about this post