Jowai: Ka Seiñ Raij ka chnong Pamrapaithlu ynnin ka 23 tarik da pynman ko ya ka Chaad Sukra heiwa da wan u Shibun Lyngdoh, BJP President Meghalaya kam u kongsan wa u Dolloi ka Jowai Elaka u Puramon Kynjing kam u symbood kongsan.
Da em leh ha kani ka sngi kiwa heh ka Riaj kamjooh ka chnong wa ki spah ngut ki paidbah wa wan sakhi ya kani ka Chaad Sukra.
U Dolloi hei klam yong oo da ong u wa ka Chaad Sukra toh i por lehkmen iwa mih na mynsien nadooh kiwa chaad wa rwai wa kiwa chna sur kamtæ ka Chaad Sukra toh wow e bor ha i yow ye i u rap pateiñ ya ka dustur riti wei wow pynyoo wa i biang i sur i dur, i chaad i rwai, ki riam ki bait wei biang ki ktien ki thylliej.
Da ong u leh wa kani ka sngi toh ka sngi wow myllien wow maap ya iwa da dep yow pynthymme ya i man bru.
U Shibun Lyngdoh uwa man leh kam u wa ebuit (adviser) ka Raij Tuber da ong u wa ki khon ka Raij Tuber toh kiwa da kyrkhu da u Blai wei ya riti dustur wa ka niam toh man ko kam i doh i snaam wei lada wiar ka niam ka riti dustur leh daw wiar ko wei la dooh i ya ka niam ym man de i kam ki Pnar.
Da e nongmuna u leh wa ki pharæng heipor wa rim ki da pyrchang ki wow pyndooh ya ka niam ka rukom wei da mih u Kiang Nangbah wow yaleh yow pyn im ya ka jait bru.
Discussion about this post