Jowai: Kiwa kitkaam yong ki 13 tylli ki seiñ hapoh i yahkhmat u M.H. Dkhar, President ka AJYWO Central Body wa u S.S Niangti, President ka KSU Khliehriat Circle, ynne ka sngi da yachem ki wa u Deputy Commissioner ka East Jaiñtia Hills District, u M.S. Lhuid kam wow booddien ya ki Entry & Exit Point wa ka District Task Force ki mat kiwa da yaklam teiñ wa ka Sorkar Meghalaya chirrup wa ki 13 seiñ neibynta wow pait yei psiah tooh ki baar jylla chapoh ka jylla Meghalaya.
“Sñiaw diaw i hadooh kattæ kattæ wow tip wa hadien i yachem wa u Deputy Commissioner ka East Jaiñtia Hills District, kamwa da chem ha kiwi tawan ki district ka jylla i jooh hi, da chem wa sa ha East Jaiñtia Hills District leh heiwa hei yatoh wa ka District Task Force kawa da toh u booh katkam ka kyndon 5(1) yong ka Meghalaya Residents Safety and Security Act, 2016 ympu ye u booh hadooh katni neibhah wa ki bor district ympu yoh ki kawon kawon ka hukum na ka sorkar jylla hei yatoh wa ini wei da chem wa hadooh katni tang ya kani ka aiñ ym em u phah cha kani ka District” da ong u M H Dkhar, President ka AJYWO Central Body.
Hei yatoh wa ki 5 tylli ki Entry & Exit Point won ki thaw wow sylli ya i psiah i mih ki baar jylla hapoh kani ka District kiwa toh u em ha Mooriap, Lakasein, Umkyrpong, Rata-cherra wa ha Malidor ki bor District Adminstration da dep leh ki ya ka Social Impact Assessment wei daw pynbna noh ko ya ka bui cha ki paidbah wei wow thung noh ya ka Expert Committee wow sylli bniah ko ya ki yumut wa da e ki paidbah wei da kyntu leh wow pynkrehkaam noh ya ki thaw kiwa em hapoh ka PHASE-I, da ong u M.H Dkhar.
U Dkhar da ong chooh chooh u wa ka sorkar jylla jnah ware ko wow pynkrehkaam ya ki rai na ki yalang wa da pynman teiñ da ka sorkar.
Da ong leh wa ym slem de daw yachem biang kini ki 13 seiñ wa ka sorkar wow pynbiang ya kini waroh kiwa man leh kiwa da sahteiñ kattu la 3 snem tam kiwa ye u yada ya ka jaitbru waroh kawi.
Also Read: Lai ychem ki 13 seiñ ya u DC ka EKH hei yatoh wa ka aiñ wa pait yei psiah i mih ki baar jylla
Also Read: Lai yachem ki 2 seiñ ya u DC ka WJH hei yatoh wa ka Entry Exit wa kiwi kiwi
Discussion about this post