Daw pynman ya ka Kñia Pynsum Kule ha Ummulong

Jowai: U Secretary ka Art & Culture Committee yong ka Seiñraij Niamtre Ummulong da pyntip u wa ka Seiñraij Ummulong daw pyndep ko ya ka lehniam Kñia Ryngkaw kawa tip leh kam ka Kñia Pynsum Kule ha ka 27 tarik uni u bnai.

Ya kani ka Kñia da leh chisien san snem katwa dawa i kaam, hawa ban i kjut i chitom wa kiwi kiwi.

Da leh ya kani kam ka dak wow engooh ya ki blai ki syiem, ki blai Ryngkaw ki tawiar takan kiwa kær wa da ya ka chnong ka thaw kamjooh leh wow engooh ya ki khlawait ka Raij Jowai.

Kamtæ da khut sñiawbha ya waroh ki khon ka Seiñraij Sengkhasi wow wan sakhi ya kani ka lehniam deiwa wan ki cha ka Yungwalieh ka Ummulong heipor 8:00 waje i step khnang wow ye u pyndep ya ka niam ka rukom.