Thooh yarap ka KHNAM na u CEM ka KHADC wow yada ya ki chuki ki MDC

Shillong: U CEM ka KHADC u Pynshngain N. Syiem ynne ka sngi da kular u ya kiwa yahkhmat ka KHNAM wa daw yaklam u wa ki stad aiñ hajrong wa kammon wow kylla ya ka Rule 128 ka Assam and Meghalaya Autonomous District (Constitution of District Council) Rules, 1951 yow khang laad ya ki baar jylla wow chim bynta ki ha ka elekshon jied MDC.

U Working President ka KHNAM u Adelbert Nongrum hawa yaklam wa kiwa thoh khubor da pyntip u wa u CEM da kular wa da khut yalang u ya ki seiñ sain pyrthai wow ya phyllu yumut hajrong kani.

“U CEM da kular u wa ha ka tayaw u Naisan (May) uni u snem daw pynman u ya ka yalang heiwa daw emlang leh ki stad aiñ kamjooh ki seiñ sain hima.” Da ong u Bah Nongrum.

Katkam ka Rule 128, ki bar jylla kiwa da em 18 snem ye ki u em bynta ha ki Election ki District Council. Ha KHADC ym em ki bar jylla kiwa chimbynta ha ka election hanlada da em ka aiñ tangwa ha GHADC ki bar jylla ye ki u thap Vote wei da em leh kiwa chah jied kam ki MDC.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hajrong ini u Nongrum ong u wa, “I ym toh kiwa choon bar jylla wei burom i leh ya kiwi ki jait bru tangwa nga kwah oo wa i hok yong i toh u yada ya ki katkam wa da kdaw ha ka Sixth Schedule.”

Da pyntip u leh wa u CEM daw pyrchang u wow yaklam hei yatoh wa ini wa kiwi ki Autonomous District Council kam ka JHADC wa GHADC tangwa ym em yoh jubab naka JHADC katwa ka GHADC kamwa man katni da rap pher ko na kiwa boon ki daw.

U Nongrum da ong u wa i pynkylla ya ka Rule 128 man ko kawa emkaam dooh neibynta kit re ri.