Jowai: Ha ka 30 tarik uni u bnai wa da dep ki pulit da pyntip ki wa da chem yei metyap yong kawi ka kynthai wa dang 13 snem na i chnong Doranggre hapoh ka Shallang Police Station (WKH).
Kani ka khynnah toh kawa da wiar nadooh ka 29 tarik u bnai wa da dep wei da suba wa da chah slaitbor ko hadien won da tynyap ya ka. Hei yatoh wa ini ki pulit da kem ki ya u Probit R. Marak (24 snem).
Ha ka jooh ka tarik biang yong u bnai wa da dep da sai yei metyap yong u Khrang Synrem (50 snem) uwa na Umktieh, Ri-bhoi na ka Wah Umiam.
Ha ka 29 tarik won yong uni u bnai wa dadep heipor 8 waje i step da chah tooh ka tape na kawi ka kari wa pynyieñ ha Oakland Parking Lot, Shillong.
U Md. Zakir Hussain da ujor u wa ki pulit wa ha 28 tarik u bnai wa dadep heipor chi waje i step da em ki bru wa tooh ka ka truck yong oo wa em ya u number NL-01N-7992 kawa yah da u Joynal Miah kawa pynyieñ ha rood sarok ha Byndihati, EJH.
Ha ka 28 tarik biang da chem yei met yap yong uwi u bru u wym tipmit wa pasi u na uwi u dieñ ha Datsympein, EJH.
Ha ka 27 tarik u bnai wa da dep da ujor wa kawi ka khynnah wa dang 14 snem i rta heipor wa liwan yung ko na skur da wan ar ngut ki bru kiwa da taan ya ka cha poh khloo wei da slait bor ki ka. Ya kini ki arngut da tip kam u Rambong T Sangma wa u Tester T Sangma wei da maham tynyap ki ka lada pyntip ko ya kiwon kiwon yei wa jia.
Ha ka janmiet ka 26 tarik u bnai wa dadep uwi u bru u wym tipmit da wan u nadien ka khynthai wa 16 snem wei da tymmoh u yei ktein ko da ka that wa suba toh u Chloroform wei da pyrchang u ksih ya ka na radang hadooh wa yap tangwa kani ka kynthai da lait ko na ki kti uni u bru. Ini da jia i ha Jongksha, EKH.
Discussion about this post