Jowai: Ka District Disaster Management Authority West Jaiñtia Hills District, ynne da pynman ko yaka e sikai wa arsngi hei yatoh waka Medical First Aid waka Search & Rescue ha District Library, Mynthong.
Ya kani ka e sikai wa ar sngi ka District Disaster Management Authority, Jowai da pynman kyrpang ko neibynta ki pulit.
Katkam i kyntien yahkhmat na u Ebormi Lyngchiang uwa man u Assistant Disaster Project Officer, West Jaiñtia Hills District da ong u, wa waroh ya tip i, ki pulit toh kitæ kiwa emkaam bha hawa jia iwon iwon i chah pynjæd tympra hei bor ka rymaw, wei dang man ki leh na pyrdi kiwa yarap wa khlan wa ha khmat dooh wow thooh ki laad yarap kamjooh u pyllait im yaki bru heiwon iwon iwa jia, kamtæ kamwa man ki kiwa yarap wa khlan wa hakhmat dooh emkaam bha wow chah sikai ki hei yatoh wa ka Medical First Aid wa ka Search & Rescue yow ye ki u pynsmat u e yarap ya ki bru wa chah ktah.
Da ong leh wa boon ki bru pyrkhat kyndeh hi-eh ki chaphang i bor ka rymaw, wei ym jooh bna ki chaphang i bor pynjæd ka rymaw, tangwa i por da toh wow bna ki khnang yow ye ki u yada ya kiwa boon.
Ki bru chemphang wa da wan e sikai ha kani ka sngi nyngkong kynthup ki ya arngut ki doctor naka tnat Distric Medical & Health Officer, Jowai.
Ka Dr. Suja da e ko i batai hei yatoh wa ka ka Basic First Aid heiwa da pynyoo ko wa kammon u pynsangeh yei snaam wa mih na u bru ha i bynta id oh i pran yong ki.
Ka Dr.I. Khynriam won da e ko i batai hajrong ka Basic Measures For First Aid (bleeding, fractures, drawning, foreign body, rule of ABC, cardiac arrest) wa kiwi.
Mynstep ka sngi won daw wan wow e batai hei yatoh wa ka Search & Rescue da ki bru napoh ka Civil Defence & Home Guard Jowai, daw batai daw pynyoo ki wa kammon u e yarap, u rah yaki bru wa mynsoo, wei kammon i rukom kdoh tylle wa smat u looid yow man i kaam wa smat.
Discussion about this post