Jowai: Ka seiñ Meghalaya Peoples’ United Front da ong ko wa da yoh ko chiboon ki ujor na kiwa yah kari nadooh kiwa yah kari samen namo kiwa yah kari kamai.
Ki paidbah da ujor ki yei chim kabu ware ki pulit pyllai kari namo ki Traffic Police ka West Jaiñtia Hill wa chim poisa palatpood ki du na ki daw wa khian kam i wym pynemkaam seatbelt, tangwa teiñ teiñ hawa jhan em ki bru kiwa mylliñ u pyndait seatbelt, tangwa ini pynman i ya ki pulit wow chim kabu ki wow kamai poisa, da ong ka seiñ MPUF.
Ka seiñ da ong ko wa hei yatoh weini ki pulit ym jooh pynyoo ki ya ki Receipt wot hadooh ya ka fine wa da daiñ ki, tangwa em ki por ka kuna wa daiñ ki pulit ku ko chawa palat wei ym du kattæ ka seiñ da yoo ko wa kynreh ki pulit ya ki kari dei langær hapoh ka District.
“Ha-o ka wow kynreh wow sylli ya ki kot kari toh kawa biang tangwa iwa phylla won kiyi watoh u leh yeini, ki pulit namo ki bru ka District Transport Office mo ya kiwa tip kam ki Enforcement wei dei langær yoo wa manda leh ki pulit yeini ki bru yong ka tnat wa toh u pait won ym em ki.” da ong ka seiñ.
Hei yatoh wa ini ka seiñ da kular ko wow thoh cha ki bor wa pait yeini wei wow pynchitom ya kiwa emkti heini, da ong ko leh wa daw thooh ko yei hok lyngba ka RTI.
Discussion about this post