Jowai: Kawi ka manbei ka Ribok Sungoh wa chong ha ka chnong Morapushai, West Jaiñtia Hills da maad ko yei eh wa khroo bha heiwa ha ka 12 wa 13 tarik Wisu (March) dawan syndet kiwa tympiah ya ki chrot ki yung wa dang chna ko khlem iwon iwon i daw.
Ya kiwa emkti da tip kam u Worlis Pulang, u Bor Pulang, u Wain Pulang, u Monlang Pulang, u Silet Pulang waroh kini toh kiwa na ka shnong Morapushai.
Kini ki bru hadien wada dep ki u tympra da thang won ki sa ya i yung wa sah kani ka jooh ka bru haka 18 Wisu 2017.
Hadien ini ka Ribok da ujor FIR ko waka Nartiang PS pyrchah ya kitai ki bru tangwa man ko kawa khlem kaam neibhah hadooh katni ym em kem ya ki hadien wa dep tympra wei wow thang yei yung ko hadooh wow dat ya ki masi ki blang kani ka bru.
Hadien wa tip ka seiñ WJNC wa ka AJHSWO yeini i jia, u President WJNC, u PS Phawa wa u Genl. Secy ka AJHSWO da booh ujor ki ha u SP dei emalng ka Ribok Sungoh hei yatoh wa iwa jia wei neiliang u SP da kular u wow chimkhia ya ini i kaam.
Neliang ki ar seiñ da beiñ joor ki ya kiwa emkti ki wym pyrkhat ya ki para doh para snaam wei ym em mynisen bru de ki. Kini ki ar seiñ leh da pyntip ki wa ka Ribok toh kawa biang ya ki kot ki sla (Land Holding Certificate).
Da kyntu joor ki leh ya ki pulit wow chimkhia ki yeni neibhah kani ka kong da doohnong ko hadooh T. 5 Lak wei lada i takit ki pulit ym mih soh mih sla i, neiliang yong ki daw rah ki yeini ha khmat ka National Human Rights Commission pyrchah ya kiwa emkti.
Neiliang ki pulit ka Nartiang Police Station da pyntip ki wa da Register ki ya ka case katkam ka Nartiang PS Case No. 3(3)2017 U/s436/34 IPC wei hadooh katni ympu yoh ki u kem ya kini ki bru.
Discussion about this post