Jowai: Ha ka yalehke kynjat bol Tiger 5 ynne heipor 2:30 i sngi ha pyrdi ka Spartan FC pyrchah ya ka Mehi FC. Ka Spartan FC da jop ko da 3-1. Ha ka kylla step yong ka yalehke, ka Mehi United da yoh chwa ko u thap ya ka kool ha ka minit kawa 12 lyngba u Diogratious Rymbai, katwa ka Spartan FC da yoh ko wow su ya kani ka kol ha ka minit wa 16 lyngba u Samehi Langshiang.
Neitæ won ha ka kylla miet yong ka yalehke, ka Spartan FC da yoh biang ko wow pyntam ya ka kol wa ar ha ka minit wa 32 lyngba u Dawnisakhiat Dkhar wei da ban sa kawi ka kool wa le wa da yoh u thap ha ka minit wa 43 lyngba u Juhhi Langshiang.
Neiliang kiwa yalehke ka Mehi United da pyrchang ki wow pynjop tangwa kiwa yalehke ka Spartan FC da ye ki wow khanglaad ya ki kool wa mut ki u thap hadooh wa kut i por.
U Arwanki Dkhar yong ka Spartan United da yoh u ya ka Yellow Card ha kani ka yalehke.
Ha ka yalehke wa bood heipor 3:30 i janmiet da man ko ha pyrdi ka Cham Cham FC pyrchah ya ka ELSA FC. Kani ka yalehke da man ko kawa jem chilliang heiwa ka Cham Cham FC da bom jem ko ya ka ELSA FC da ki san tylli ki kool. Ya ki kool ka Elsa FC ha ka kylla step da thap da u Dame Syih ha ka minit wa 6 wa 13, u Masan War da thap u ha ka minit wa 10, katwa u Armorando Chullai da thap u ha ka minute wa 27.
Neiliang ka Elsa FC hadooh wa kut ka kylla step leh ym em u yohlaad ki wow su ya kini ki kool. Ha ka yalehke yong ka kylla miet kiwa yalehke ka ELSA FC rap lehbha ki heiwa da ye ki wow khanglaad ya ki kool kiwa mut u thap da kiwa yalehke ka Cham Cham. Kat hadooh wow poi ka minit wa 54 heiwa ka Cham Cham FC da yoh ko wow ban ya ka kool wa san kawa da thap da u Armorando Chullai.
Lyngba kini ki 5 kool ka Cham Cham da yoh ko wow psiah cha ka Second Round ka Tiger Five.
Ha kani ka yalehke u Mayalang Lanong yong ka Cham Cham FC wa u Wandame Myrchiang yong ka ELSA da yoh ki ya ka Yellow Card.
Ha ka 08.05.2017 heipor 3:30 i janmiet, ka Dari & Da oo FC u yaleh pyrchah ko ya ka Heibor FC.
Discussion about this post