Jowai: Chibynta u sarok wa tip kam u Mission Compound-Thomas Jones College Road ha kini ki sngi wa da dep da wai paidbah ya oo da pyntip u M. Nongpluh, Executive Engineer ka Jowai South Division.
Uni sarok daw pteiñ ya oo won ha Wahnangbah heiwa daw lai luti u yow mih u ha wah ka Thomas Jones Synod College.
I bynta wa da wai toh narood i khloo Mooliksoo (Riatnohmiaw) wei u mih harood ka Yungwalieh ka Tpep-pale. Uni u sarok jrong u 700 meter hadooh wa poi ha Thomas Jones College wei da chna ya oo heidor T. 2.30 Klur.
Neiliang ki pulit ka Traffic Branch, u In-charge u D.H. Pde da pyntip u wa nadooh ynnin ka 9 tarik sngi ya uni u sarok u man u “One Way Road” heiwa u chah du ya ki kari wa wan na Mission Compound kiwa lai cha Tpep-Pale wow pynemkaam ya oo.
Discussion about this post