Sih bhah ka West waka East Jaiñtia Hills ha ka Assam Rifles CAPF Football Tournament

Shillong: Ka St. Anthony’s Higher Secondary School ynne ka sngi da rah ko ya ka Shlur Nongbri Trophy kawa man ka yakop yong ki chynrang hapoh ka Assam Rifles CAPF Under-19 Football Talent Hunt Tournament ha ka jylla Meghalaya deiwa pynnrem ko 2-1 ya ka West Jaiñtia Hills District Sports Association ha ka yahun Final ha Jawaharlal Nehru Stadium, Shillong.

Neiliang ki kynthai ka, Umsning SC won da pnyrem ko ya ka East Jaiñtia Hills District Sports Association da 1-0 ha ka yakhun Final wa pynman ynnin ka 12 tarik.

Ha ka yakhun yong ki chynrang da man ko kawa ya thaiñ bha heiwa ka St. Anthony’s da pynkhyrngiat ko ya waroh deiwa thap ko ya ka kool wa nyngkong ha minit wa ar ka yalehke lyngba u Freestar Kharbangar.

Ha ka kylla miet won ha ka minit 59 ka West Jaiñtia Hills da yoh ko wow su kylliang lyngba ka kool wa thap da u Belonia Lywait.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Tangwa u Kharbangar da yoh biang u wow thap sa chi kool du hadien chi minit wa su kyllaing ka WJDSA kawa man leh ka kool wa san yong oo ha kani ka lympung.

Ka WJDSA ha ki minit chwa wow kut ka yalehke da yoh Free Kick ko kawa da lai bait ha ka jaar tangwa uwa yang kool ka St. Anthony’s da khanglaad u ya kani ka kool, kamtæ ka yalehke da kut ko 2-1 heiwa ka St. Anthony’s da man ko kawa jop.

Heipor wa saam ya ki khusnaam da wan u slap wa joor heiwa ya kiwa jop ha ki kyrdan chynrang wa kynthai da yoh ki ya ka song poisa wa T. 50,000 katwa ya kiwa rem da yoh ki T. 30,000.

Da wan sakhi leh ynne ya ka sngi da u Montri Rangbah ka jylla u Dr. Mukul Sangma.