Pynche ka JSU-1 ya ki daw wa mih ko na ka JSU CB

Jowai: Ka Jaiñtia Students Union-1 (JSU-1) Central Body, Jowai da pynche paidbah ko deiwa ong wa ymtoh u siawthooh bakla yeidaw wa mih naka JSU niebhah ka yieñ ko ha ka yurim wa biang neibynta ka jaitbru wow chakri hok ya ki liang wanang wei ym em yaknieh bor ki wow knieh chuki ki wow man kam kiwa mihkhmat wei da yieñ ki katkam ka riti synchaar ka seiñ.

Heijooh i por da ong ki wa ym em daw ki iyi iyi leh wa ka JSU Central Body tangwa du neidaw wa uwa yahkhmat warim yong ka ym ye u wow yah luti ya ka seiñ katkam ka riti synchaar ka seiñ.

Da kdaw ka JSU-1 ya ki daw kamni hawah:

1. Nadooh u snem 2015 ym jooh yoh ya ka CEC kawa pura kamwa da kdaw ha ka riti synchaar ka seiñ.
2. Ym jooh yoh ya ka General Meeting kawa da kdaw ka riti synchaar ka seiñ wa toh u pynman ar sien chi snem yow yoh ya ka bui (report) hei yatoh wa ki kaam poisa poilaiñ, ki rukom krehkaam ki Unit wa ki Circle waphær waphær.
3. Da toh por wow pynthymme ya kiwa kitkaam ka seiñ nadooh u snem 2015.
4. Da yoh CEC manda yakhih da ki Circle wa ki Unit wei da phah hajir ya ki dkhot wei da mut leh wow beh seiñ ya ki.
5. Da ong leh wa ymtip ki ya ki kaam wa jied ka seiñ wow yakhih yeiwa da jied da u President u wym jooh pyntip cha ki Unit wa ki Circle wa toh u khut da ka CEC yow yoh ya i kyrchaan na waroh ki Unit wa ki Circle.
6. Da kylli leh wa kammon ye u pynman EC Meeting du 5 næ 6 ngut donhi. Ym jooh yoo ya kiwa ksoh kaam ka seiñ wa em ki ha ka yungkrehkaam ka seiñ, wei lada ym ye de ki u kreh toh u pynbna noh wa ki kaam yong ki toh kiwa lait yow jied thymme noh.
7. U Finance Secretary leh toh u wym jooh em, wei da em bait ki daw katkam wa pyntip u President warim wa neiyi i daw ym chim ya ka rai wow khut daka CEC yow yoh u leh yeiwa emkaam kani da batai che ko ha ka Riti Synchaar weiwa lada ym yoh ya ka bui i lut i sep na u Finance Secretary hadien le bnai ye u khut u President ya ka CEC wei oo ye u wow ksoh poisa du T. 3000 donhi.
8. Kammon dang kwah i wow neh waka JSU katwa dang em u President warim wat hadoo ka bai wai yong ka yungkrehkaam leh ym pu em dep su?
9. Ka Election nadooh 2016 hadooh katwon sien da pyndam ya ka wei ha uni u snem 2017 da pyndam la arsien.

Kani toh katkam ka khubor wa pyllait da u R. S. Nongtdu Education Secretary JSU-1 CB.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024