Psiah Final ka Umshangiar ha ka Tiger Five

Jowai: Ka yalehke Tiger Five ynne ka sngi da man ko leh ka yakhun Semi Final wa ar kawa da pynman hapyrdi ka Umshangiar SC pyrchah ya ka Tyllilang FC.

Kani ka yalehke ynne leh man ko kawa yabiang bor ha waroh arliang kiwa yalehke. Ha chwa wow kut ka kylla step ka Tyllilang FC da yoh ko wow thap ya ka kool lyngba u Youlitide Langbang ha ka minute wa 27, kamtæ ka kylla step yong ka yalehke kut ko du kani ka kool.

Ha ka kylla miet won yong ka yalehke, ka Umshangiar SC da yoh ko wow su ya kani ka chi kool ha ka minit wa 42 lyngba u Kitbok Pale.

Hadien kani ka chikool kiwa yalehke ka Umshangiar nang yohbor ki wow rap leh bha hadooh wow poi ka minit wa 50 heiwa da yoh ki u su pyntam ya ka kool wa ar kawa da thap da u juh uwa yalehke, u Kitbok Pale.

Neiliang ka Tyllilang pyrchang ko wow su ya kani ka kool, tangwa kiwa yalehke ka Umshangiar da ye ki wow khanglaad ya ki.

Related posts

Da ki Jersey e sñiawbha ki ar ngut cha ka Ialong Sport Club ka wow yakhun Super Division

July 22, 2026

Yoh ka Pipilmoris Wanniang wow man kam ka Category 5 National Football Referee

July 21, 2026

Kamtæ hadooh wa kut i por da neh kini ki ar kool heiwa ka Umshangiar da man ko kawa jop heiwa u yoh ko u psiah Final ka wow man ha ka 20 tarik dei wow yaleh pyrchah ko ya ka Loomkyrwiang SC.

Kamwa pynkynmo ka Umshangiar toh kawi na ki dhab kawa poi cha ka Final ha u snem wa da dep.