Jowai: Ka CEC yong ka Jaiñtia Students’ Union (JSU) kawa da man ynne ka sngi 17 tarik da iwi i sur da rai ko wow kyrpaad ya u Rikut N .Parien uwa man kam u President (Care Taker) wow chim biang chipor ya ka kaam President ka JSU Seiñbei yow lai bait ki kaam.
Kamtæ han lada u R.N. Parien da kwah u wow chongngiah noh, neiliang ka CEC da kyrpaad biang ko ya oo wow chim biang ya kani ka kaam chipor wei wow mylliñ noh ya iwa chah pynbaad ha kiwi kiwa khlem yurim.
Ka CEC kawa da chim bynta da ki wa yahkhmat ki Unit wa Circle waphær kiwa kynthup ya ka Moodymmai, Nongjngi Ionglwit wa kiwi kiwi kiwa da pynsñiaw yei mynsien wa khia yeiwa chah pynbaad ka seiñ ha ki kattu katni ngut ki dkhot warim ka seiñ.
Ka CEC da pynche ko ko yeiwa chah pynbaad deiwa ong kamni hawah :
- Yi em ha lyndet hadien wa da mih naka JSU, da seiñ bait ya katæ ka JSU-1? Ileh kani ymtoh i kwah tympiah yabor, wa rhah bor, wa chim kabu, kam ki khon datham?
- Hajrong wa da mih ki, neiyi i daw won wa kwah ki u pynbaad khlem yurim? Ileh da silet wei dang sahnood ki mo?
- Ka JSU ymtoh ka seiñ samen, wei u president ym ye u wow leh iwon iwon samen, wei da leh ya iwon iwon deiwa tip wei rai ka EC næ ka CEC. Ileh won da pynbaad du ya uwi?
- Ymtoh i kaamram u president wow khut yalang wei ka JSU yoh ko leh chiboon ki EC, CEC wei ki wym yoh u chong CEC toh kiwa da jooh chah beh chipor na ka seiñ neibhah wym burom ki ya i rukom krehkaam ka JSU.
- Ka JSU da pynsñiaw ko yei lut i sep ha ka CEC.
- Da kylli leh wa neiyi i daw wa manda dep mih dang bien ki u luchia yei yong kiwi.
- Hei yatoh wa u Finance Secretary ka EC wa ka CEC da dep rai ko iwi donhi.
- I daw wa pep wei rah tarik ya ka Election ymtoh du nei leh u president samen neibhah samen ymye u leh iwon iwon, wei wat ya ka Election Committee leh ym em de burom ki dkhot warim ka seiñ.
Kani toh katkam ka khubor na u H. Lanong uwa man leh kam u dkhot ka EC ka JSU.
Discussion about this post