Pyntikna u Sñiawbhalang wow yakhun na ka Congress ha u 2018

Shillong: U Montri ka sorkar jylla uwa man leh u MLA ka Congress na Nartiang, u Sniawbhalang Dhar ynne ka sngi da kyntait u wa embynta u wow pynyieñ kyrtong na Jowai pyrchah ya u MLA wa katni u Dr. Roytre Christopher Laloo.

Hei yaklam wa kiwa pathai khubor ynne ka sngi ha Shillong, u Sniawbhalang da ong u wa kammon ka Jowai Block Congress Committee da pynbaad hi-eh ko ya oo heiwa tang ya u kyrtong ka party leh ympu em u pynbna hadooh katni.

“Ya u Wailad Shylla, uwa man u boo yong nga da jied da ka chnong Mukhla, ymtoh nga uwa phah wow yakhun u” da ong u Sniawbhalang wei da pynrap u deiwa ong wa toh i hok yong uwon uwon u bru wow paan ticket tangwa chong ha ka party wow rai.

“Pait kam ha Umroi ha ka election MLA wa da dep, ya u MLA u Stanlywis Rymbai leh ka party da pyndooh ticket ko neibhah wa kwah ko da u bru wow jop ya ka election”, da ong chooh  chooh u Sniawbhalang.

Related posts

Kyrchaan tylli ka chnong Kyanmynsar ya u Remdorkupar Lyngdoh, u kyrtong ka NPP na Saphai Constituency

January 23, 2025

Rs. 40 klur pynlait poisa ka sorkar cha ka JHADC

January 22, 2025

Ini i pynche u Sniawbahlang toh hadien wa ka Jowai Block Congress Committee da pynbaad ko wa da pyrchang u wow yalap cha ki paidbah wow e ticket noh ya u Wailad Shylla uwa man leh u boo yong oo wei wow pyndooh ticket ya u Dr. R.C. Laloo.

Ka Jowai Block Congress Committee da ujor ko cha ka MPCC pyrchah ya u Sniawbhalang, deiwa dawa na ka Meghalaya Pradesh Congress Committee wow pynchitom wei wow pynhiar chuki ya oo kam u Montri ka jylla.

U Sniawbhalang  da ong u wa u Wailad Shylla toh uwa kreh ka party kattu la 8-9 snem wei daw paan ticket u na ka party wow yakhun ha ka election na Jowai.

Hei yatoh wa ka khubor hamsaya wa ong wa daw psiah noh u cha ka NPP u Sniawbhalang da ong u “ha kani ka election wow wan daw yakhun bait u na ka Congress wei ka khubor wa mih toh kawa bakla”.