Lyngba ki manbei u pynkhlan chooh chooh ya ka BJP neibynta u 2018

Shillong: Kawa yahkhmat kawa pait ya ka Media Cell ka BJP Mahila Mandal, ka Deeya Rathore da kyntait ko ya pynbaad wa ka sorkar BJP daw khang ko yei baam doh masi wei kawa lehbeiñ ya kiwa khian paaid kiwa em ha ki thaiñ Mihngi.

Hawa yaklam wa kiwa pathai khubor ynne ka sngi, ka Rathore da ong ko, “Ka BJP kwah ko wow yada ya ki khian paaid wei ymkwah ko wow tuklar yei mon laitlooid ki paidbah kham ha ki kaam ngait niam”.

Heijooh ipor, da pynsñiaw ko yei mynsien wa khia heiyatoh wa ki kaam pyrchah ki kynthai wa jia ha kani ka jylla, wei da pyntip ko leh wa ka Mahila Morcha daw booddien ko yeini waroh.

Da ong wa ka President ka BJP Mahila Mandal ka ri ka Vijaya Rahatkar wa ka secretary ka Pooja Kapil Misra daw wan ki cha Shillong ha ka 22 tarik uni u bnai.

Related posts

Kyrchaan tylli ka chnong Kyanmynsar ya u Remdorkupar Lyngdoh, u kyrtong ka NPP na Saphai Constituency

January 23, 2025

Rs. 40 klur pynlait poisa ka sorkar cha ka JHADC

January 22, 2025

Da ong wa ha ini i wan yong kiwa mihkhmat ka Mahila Morcha daw yachem ki wa kiwa mihkhmat ka BJP Mahila ha kani ka jylla wa ki dhab yong ki seiñ waphær waphær yow phyllu yumut ha kiwa boon ki phang.

Ha iwi i liang, ka President ka BJP Mahila Meghalaya Mandal, ka Pelcy Snaitang da pyntip wa hadooh katni da em hadooh palat 20 hajar ngut ki manbei kiwa da psiah cha ka BJP ha kani ka jylla hanlanda kattæ leh da ong wa ympu ye ki u chna Mondal ha waroh ki Constituency.

“I em i 20 hajar ngut ki dkhot manbei ha ki 30 tylli ki Mondal ha ka jylla wei dang sah sa 30 tylli ki mondal wow chna ha waroh kawi ka jylla” da ong ka Snaitang.

Ya kini ki Mondal kiwa dang sah daw chna noh ya ki chwa wow sdang ka Election 2018.