Jowai: U Hermon Phawa MDC ka Wahiajer ynnin ka sngi da wai u ya ka Inter-dong Football Tournament ha Wahiajer.
Ha kani ka Tournament da wan chimbynta da waroh ki dong kiwa em hapoh ka chnong Wahiajer kiwa em 7 tylli.
Ha kani ka sngi wa sdang da em ar tylli ki yakhun heiwa ha ka yakhun wa nyngkong da yaleh ha pyrdi ka Jalapang FC pyrchah ya ka Tympang FC heiwa ka Jalapang da jop ko da 1-0. Ya kani ka kol da thep da u Oliver Pale
Ha ka yakhun wa ar da yaleh ha pyrdi ka Mainroad FC pyrchah ya ka Iawpynsin FC. Ka yakhun da kut ko mar chi kool.
U Secretary ka Wahiajer Sport Club u D. Phawa da ong u wa i thmu wa kongsan wa pynman ya kani ka Tournament toh yow jied ya ki wa yalehke na ka chnong Wahiajer ki wow chimbynta ha ki yaleh bol wa daw pynman da ka WJDSA ha uni u snem.
Discussion about this post