Shillong: Ka seiñ Meghalaya IAS Officers Association ha ka yalang wa pynman ki ynne ka 22 tarik da pynsñiaw ki yei khyrngiat wei sñiawsih hajrong ka hukum wa pynmih ka CBI Court wa ong ko wa u K.S. Kropha, IAS uwa man leh u Chief Secretary ka jylla Meghalaya wa em kti u ha ki kaam pyrchah aiñ heipor wa man u kam u Joint Secretary ka Sorkar India hapoh ka tnat Ministry of Coal.
Waroh ki dkhot ka seiñ pynsñiaw ki yei kyrchaan ya u Kropha wa kiwa ha yung ha sem u kam heini i por.
Ka seiñ da ong ko wa ha ki 35 snem wa chakri u ya ka sorkar ha ki kyrdan waphær waphær man u u bru wa khooid wei u wym jooh chah pynbaad wa leh bakla u heiwon heiwon.
Ka seiñ leh da rai ko wow yaklam hei yatoh wa ini i kaam wa ka Central IAS Officers Association, New Delhi.
Kamtæ ka seiñ yooluti ko wa hawa kut i hok yong u Kropha daw mih i wei waroh iwa chah pynbaad u daw pyndooh noh ki.
Discussion about this post