Jowai: u Assistant Executive Engineer, Khliehriat Distribution Sub-Division-I, MePDCL, Khliehriat da pyntip u wa ka 33/11KV Bus ha Moowakhu (Khliehriat) Sub-Station daw pyndam ya ka (Shut-down) nadooh 09:00 waje i step hadooh 5:00 waje i janmiet ha ka 25 tarik uni u bnai.
I daw wow pyndam ya kani ka Sub-station toh wow pyndait (Augmentation/installation) ya ki 2x10MVA Power Transformer hapoh ka ASPA Scheme work.
Ha kani ka sngi hapyrdi ini i por daw dooh light ha ki kattu katni tylli ki chnong ha Jaiñtia Hills.
Kini ki chnong kynthup ki ya ka Khliehriat, Ladrymbai, Iooksi, Sutnga, Jalaphet, Saipung, Sumer, Nongkhlieh wa chibynta yong ka Byndihati. Ha Rymbai, Wapung wa ki chnong wa marjan yong ki daw chah ktah ki kamwa 4-5 sngi.
Da pyntip leh wa daw pyrchang ki u pyndep smat ya ini i kaam.
Discussion about this post