Jowai: Kamwa leh cha kiwi tawon ki thaw ynne ha Jowai leh da kynmoo warom ya ka sngi World Anti Tobacco Day næ ka sngi wow pyrchah ya i pynemkaam duma.
Ya kani ka yalang da pynman da ka District Legal Services Authority, West Jaiñtia Hills deilang ka Jowai Traffic Branch kawa da mih khmat da u D.H. Pde uwa man kam u In-charge yong ka Jowai Traffic Branch.
Ki dkhot ka Legal Service ha i klam da batai ki chaphang i sih wa mih na u sikret wa ki duma.
Neiliang u DH Pde da khana u wa katkam ka aiñ ymchah u dih duma hapoh ki kari kamai wei lada chem ye ki u chah pynchitom ki katkam ki kyndon aiñ.
Discussion about this post