Shillong: “Ha i wan O cha Meghalaya ha kini ki sngi wa da dep, da khoh O ya ki kaam wym ye ka sorkar Congress u Dr. Mukul Sangma wow kreh wei wow chakri khlem baamtooh, wym ye ko u wanrah yei roi i paar ha ka jylla wei da kop O ya oo (Mukul) wow yania yeiwa da leh u ha ki snem wa man u kam u Montri Rangbah” da ong u Nalin Kohli uwa man kam uwa ektien ya ka BJP.
Da ong chooh chooh u wa ym man i iwa phylla yeiwa mih u Gaurav Gogoi, MP na Assam uwa da kop wow yania wa oo (Nalin).
“Yoosar u Dr. Mukul Sangma tieñ u wow yania wa nga hei yatoh wa ki kaam wa da leh ka sorkar u ha ki samoi wa ksoh u kam u Montri Rangbah wei da phah pathan u da u Gaurav” da ong u Nalin.
Da kylli u leh wa emkaam wa ki paidbah ka jylla Meghalaya wow yieñ ki wow kylli neiyi i daw u Mukul ym nood u wow jubab wei da phah pathan u da u bru na Assam? Lada ymtoh wa u Gaurav Gogoi wa ksoh ya u remote wow pyllai yaka sorkar u Mukul.
U Nalin da ong u wa u Dr. Mukul kreh u hajrong ka thong “Apna vikas aur apne parivar ka vikas” næ wow myntoi samen chirup wa ka yung ka sem, wei wa ka sorkar Congress toh ka seiñ ka wow myntoi du para ki katwa u paidbah won u chitom u.
Also Read: Ka sorkar u Mukul ymye ko u wanrah yei roi i paar: Nalin Kohli
Also Read: Syllad kylla u Gaurav ka Congress ya u Nalin ka BJP
Discussion about this post