Shillong: Ka Shillong Press Club da beiñ joor ko yei leh ki pulit ka Meghalaya Police kiwa da psiah wow kynreh yei yung u General Secretary yong ka u Powell Sohkhlet ynnin i miet ka 1 Naiynru 2017.
Iwa phylla iwa pynchrai toh wa lait na u heh kini ki pulit wa wan waroh ki pulit da tymmoh khmat ki lakam wa tieñ ki ya em wa tipmit ki heipor wa psiah kynreh ki ha yung u Powell khlem rah ya ki kot ki sla deiwa kam hieh wa thooh ki ya u dkhot ka KSU.
“Waroh kini ki pulit toh ki chynrang wei da psiah ki wot cha ki kamra wa em ki kynthai wa khynnah heiwa da pynsahir mynsien ya ki waroh” da ong ka Press Club yeiwa da kylli ka Club wa ileh iwa emkaam mo wow lai kynreh ya uni u dkhot kamni lakam wa toh u damok bah.
Da kylli leh wa neiyi i daw wym em u phah hajir ki pulit ya utæ u dkhot wow wan cha thanat lada emkaam ki oo. Uni u dkhot ka KSU toh uwa em yatoh wa u Powell Sohklet uwa sah ha yung yong oo.
Kamtæ ka Shillong Press Club da kyntu ko ya ka tnat pulit wa ka sorkar wow pynchitom ya kini ki pulit kiwa wan kynreh ya i yung ki bru kamni khlem rah ya ki kot ki sla namo ki hukum.
(Feature Image-Representational)
Discussion about this post