Khliehriat: Ka Dorbar yong ka Chnong Umlyngsha, East Jaiñtia Hills District kawa da man ha ka 24 tarik uni u bnai wa da dep ha SSA L.P.School Umlyngsha da jied ya kiwa kitkaam yong ka kiwa thymme.
Ha kani ka dorbar da wan yachimbynta da ki paaid ka chnong heiwa ya kani ka yalang da jied biang ki ya u Mewell Syrti kam u Waheh Chnong wa ya ka kaam Secretary Chnong da jied ya u Namphrangmi L Talang neibynta i por krehkaam wa le snem nadooh 2017-2020.
Tæ kiwi wa kitkaam thymme man ki kamni:
Astt. Waheh Chnong – u Kat hi oo Shylla,
Astt. Secretary Chnong – u Briwell Suchiang,
Treasurer – u Wellmiyo Syrti
Wei da jied leh ya ki Executive Member ka Chnong ryngkat ki Auditor katkam ka aiñ yng ka JHADC (Establishment of Elaka,and Village, Election, Appointment, Powers, Functions, and Jurisdiction of Dolloi/Sirdar and Waheh Chnong Act 2015).
Ya kani ka kaam jied wa kiwa kitkaam thymme yong ka chnong da mynjur leh da u Acting Dolloi yong ka Elaka Lakadong, East Jaiñtia Hils District Khliehriat.
Kani toh katkam ka khubor kawa da pyllait u Namphrangmi L Talang Secretary Chnong Umlyngsha, EJH.
Discussion about this post