Shillong: U General Secretary ka All India Congress Committee (AICC) uwa pait ya ka jylla Meghalaya, u C.P. Joshi da kynthah joor u ya ka Bharatya Janata Party (BJP) deiwa ong wa ka BJP da pyrchang ko wow psiah khlieh ha kani ka jylla dei buit wa riyaaw.
U Joshi da ong u wa ka Congress ka leh em hi ko ya ki yong ka ki buit krehkaam wei ka pait bniah bha ko yei rukom kreh kiwi ki party khamtam ka BJP kawa da leh ya kiwa boon ki kaam yow chimkabu ko ha ka Election MLA 2018.
Da ong u wa ka ka Party Congress tip bha ko yei thmu ka BJP tangwa waroh ini wa leh ko ym poi i cheiwon cheiwon leh.
Uni u heh ka AICC da ong u wa i bichaar ka party ya i chah ujor u Sniawbhalang Dhar uwa man leh u montri sorkar kamjooh u MLA ka party, chong i ha u President ka Meghalaya Pradesh Congress Committee (MPCC).
Da ong u wa i wan yong oo cha ka nongbah Shillong toh wow yaklam yei long i man ka Party wa ki kaam pynkhreh ya ka Election MLA ha u 2018.
U Sniawbhalang da chah ujor u ha ka Jowai Block Congress Committee kawa pynbaad wa thmu u wow pynyakhun da u Wailad Shylla u boo tre yong oo pyrchah ya u MLA wa katni u Dr. Roytre Christopher Laloo.
Discussion about this post