Jowai: Kam wa da leh ha kini ki bnai wa da dep ka seiñ HYC–Jaiñtia Hills District ha kani ka 2 tarik uni u bnai hapoh i yahkhmat u president yon ka u Damanleki lathong President da lai yachem ko wa u MLA ka Amlarem u Stephanson Mukhim heiwa da e ko ha oo ya ka dorkhat.
“Da yoo i wa boon ki heh spah kiwa da man MP, MLA wa MDC; tangwa heithaw wow yada ki yei hok kit re ri ha ka khayi pateiñ da bynda pathan ki ya ki tre ri” da ong u Lathong.
Da ong wa ka aiñ “Trading by Non -Tribal’s Regulation Act” yong ki ADC kawa klam che ki wa ki bru na ri-thor ym ye ki u khayi khlem yoh ki ya ka ‘Trading Licence” tangwa boon hi ym em ki ya kani ka License.
Ha ka dorkhat da ong wa ki ADC toh u hukum ki ya ki dorbar chnong wa ym hoi de u e NOC kulmar ki wei ym hoi u e ki ya ka khlem tip ka Dorbar Chnong kamwa da pynkreh ha ki thaw wa haap hapoh ki ‘Sixth Schedule Areas’.
Chooh chooh da ong wa ka Prohibition and Detection of Benami Transaction; ya ki kaam khayi deiwa pynemkaam da ki pyrtuid kiwi man ko kawa pyrchah ya ka “Meghalaya Prohibition of Benami Transaction ACT” tangwa sñiawsih won wow yoo wa hadooh katni ym pu em kawi wot leh ka Mukotduma hei yatoh wa ini hanlada yoo wei chem wa boon hi ki dukan toh kiwa pynchah pyrtuid donhi.
Hei yatoh wa kini neiliang u Stephanson Mukhim da kular u wow chimkhia yeini waroh.
Kani toh katkam ka khubor na u Willson Ymbon, Secretary Environment, ka HYC – JHD.
Discussion about this post