Shillong: U District Magistrate, ka East Khasi Hills District, Shillong da pynkrehkaam u ya ka kyndon aiñ Section144 CrPC wow mana ya ki bru palat 5 ngut wow yalang ki hapoh 500 Meter ka Assembly Chamber wa em ha Rilbong, Shillong.
Da mana leh wymhoi u yalang palat 5 ngut hapoh 100 metre na ka Meghalaya Secretariat (Main and Additional Building).
Kani ka hukum da khang ko ya ki bru wow pynthut ya i lai i wan ki kari kamjooh ki paidbah ha kini ki thaw wei da khang leh yei wow rah tiar pynmynsoo ki.
Da pyntip leh wa kani ka hukum ym krehkaam ko ya ki bor pulit, ki chipai wa kiwi kiwi kiwa embynta hei wow sonteri ya kani ka thaw.
Ya kani ka hukum da pynmih kam chibynta yow lait i thut i pynman dorbar wa kyrpang ka sorkar kawa tip leh kam ka Special Assembly Session ka Meghalaya Legislative Assembly ha kani ka 12 tarik uni u bnai.
Kani ka hukum u krehkaam ko ha ka 12 tarik nadooh 8:00 waje i step hadooh wa kut kani ka dorbar wa kyrpang.
Discussion about this post