Ki kaam Election wa phylla na kiwa phylla wa jia ha kylleiñ ka ri India

Jowai: Katkam i klam cha wah cha neiñ da ong wa ha kani ka Election MLA 2018 daw boon ki kyrtong wow yakhun na kawi pa kawi ka Constituency wa em hapoh ri-loom Jaiñtia kawa ye ym duna ya 5 kyrtong na kawi ka Constituency.

Tangwa ini ym em i iyi iyi leh ha khmat wa jia ha u snem 1996 ha ka Election MLA na ka Modakurichiwa em ha jylla Tamilnadu.

Na kani ka Constituency da em 1033 ngut ki kyrtong kiwa yieñ yakhun MLA hadooh wa da haap kyrriah tarik ya kani ka Election chibnai neidaw wa ym ye de u pyndep chna ya ki Ballot Paper (ka kot wa chon yei pyrtuid wei ka chaap ki kyrtong) hadooh wa em ko 100 sla tam.

Yei por thap vote leh da pyntam sa 2 kynta yow yoh ki piadbah u leh yeiwa emkaam ki.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Na ki 1033 ngut ki kyrtong 1030 ngut da dooh ki ya ka Security Deposit wei ym du itæ 88 ngut ym yoh ki tang chi vote leh iwa mut pyn da u kyrtong leh ym em thap u pynya oo. 158 ngut won yoh ki chi vote samen.

Ha uni u jooh u snem won ha ka Election Lok Sabha naka Nalgonda Lok Sabha Constituency won  kawa em katni ha Telegana nachwa ha Andhra Pradesh da em 480 ngut ki kyrtong katwa ha Belgaum Karnataka won da em 456 ngut ki kyrtong.

Ha Nalgonda na ki 480 ngut ki kyrtong 477 ngut da dooh ki ya ka Security Deposit yong ki katwa ha Belgaum won na ki 456 ngut 454 ngut da dooh ki ya ka jooh.

Boon na kini ki kyrtong da chah khang ki u yieñ election biang neidaw wa ym ye ki u pynbiang ya ka bai lutsan yong ki ha i por Election (Election Expenditure).

I daw wa jia ini toh hadooh u snem 2016 ka Security Deposit toh kawa duna bha heiwa kiwa yaleh Election Lok Sabha haap ki u su T.500 katwa ki kyrtong SC/ST won haap su ki T. 250.

Kiwa yaleh MLA haap su ki T. 250 katwa ki kyrtong SC/St hap su ki T. 125.

Hadien u 1996 da pynku ya ka Security Deposit ka Lok Sabha cha T. 25,000 katwa ki kyrtong SC/ST won haap su ki T. 12,500.

Ya kiwa yaleh MLA leh da pynku cha ka T. 10,000 katwa ki kyrtong SC/ST won hap su ki T. 5000.

Ki yurim wa yeiñ kiwa boon ki kyrtong na Nalgonda toh neidaw wa duna um hapoh ka constituency wei ka um wa yoh leh toh kawa boon du u Fluoride.

Ha Belgaum won ki kyrtong wa klam dei ktien Marathi kwah ki wow psiah noh cha ka jylla Maharashtra tangwa ini i dawa ki hadooh katni leh ympu em u ye u pynman sakhait ya ki.