Jowai: Ka seiñ All Hynniewtrep People United Front (AHPUF) da kyrpaad ko ya waroh ki wa lai emkaam cha Office ki MLA/MDC wow sñiawbha ki u mih na kamra krehkaam mar ya dep kaam ki ym toh wow chong slem næ ya khanatang ya ki kaam wymtoh rukom.
“Mar ya dep kaam toh u mih wot na Office khnang wa kiwi leh u yohaad ki u pynap pynsñiaw yeiwa emkaam ki ha kini ki heh” da ong u John Phawa uwa man kam u President ka AHPUF.
Da ong leh wa em kiwa wan toh kiwa na jngai chnong wei kiwa na ki thaw wa duna kari wei ki wot kiwa chem chitom.
Ka seiñ da kyntu ko leh ya ki sahep wa ki heh yow kyrpaad ki ya ki bru wow mih na Office mar yadep klam kaam ki yow elaad leh ya kiwi wow psiah ki.
Da kyntu leh ya ki sahep wow burom ki ya kiwa wan emkaam khamtam ki nongkyndong kiwa ym em i stat i tip wow batai wei u pynche ya ki da ki ktien wa jem ymtoh wow kynhied hi-eh ya ki.
Discussion about this post