Jowai: Ha kani ka 9 tarik heipor kamwa 9:30 i step u Magistrate ka East Jaiñtia Hills chirup wa ki pulit da lai kynreh wei sylli ki ya ki krem mooyong ha Nongjri wa ha Sakhain wei da chem ki ya kawi ka truck kawa khlem number wa yah da u Greyson Sapuh (27 snem).
Kani ka truck toh kawa kit mooyong wei da kem ki leh ya uwa yah chirup wa kiwa khih mylla wa kynthup ya u 1. Toto Pdang, 2. Shelmon Langkympat wa 3. Alosius Sapuh.
Ha ka 7 tarik uni u bnai ka Philisita Sutnga (55 snem) da ujor ko wa ha kani ka sngi heipor kamwa 10:00 i step le ngut ki bru da dat ki ya u khon ko uwa tip kam u Victor Sutnga ha Moolait Bri-Sutnga
Kini ki le ngut da tip kam u 1. Khraw Chyrmang 2. Nongjop Chyrmang 3. Mooloin Chyrmang wei hadien wa dat ki oo da maham tynyap ki oo.
Ki damok ha kani ka 10 tarik heipor kamwa 12:30 i synyaw da pakhot petrol bomb ki ya kawi ka Bolero wa em u number AS-01-FC-9068 kawa man ka yong ka M/s Writer Safeguard Company ha 4th Mile, Upper Shillong.
Ha ka 8 tarik uni u bnai da chem ya ar tylli ki metyap yong ki khynnah kynthai wa tip kam ka Azuda Banu (6 snem) wa ka Sophia Khatun (10 snem) kiwa na ka chnong Shiyalkandi, Phulbari PS (WGH).
Ya ki metyap kini ki khynnah kynthai da chem na kawi ka nan wa em ha ka chnong yong ki wei da suba wa da ngam um ki.
Discussion about this post