Ham pynkyr-ooh yei diñ wa kop: JNC

Jowai: Ka Jaiñtia National Council (JNC) – Central Council da pynsñiaw ko yei sñiawkhia yei wym ye ka sorkar jylla u wanrah yei chongsuk chongsaiñ hapoh R-bhoi District kamjooh hapoh East Khasi Hills hadien wa mih ki kulmar wa pyrchah luti rel ka KSU.

Ka JNC ka beiñ joor ko ya ka sorkar Congress hapoh i yahkhmat u Dr. Mukul Sangma hajrong i synchaar lehbor yong ka khlem ye chwa ko u tympleh yei diñ wa kop wei da pynkyrooh chooh u yeini i diñ deiwa pynbna wa daw poi ka luti rel hadooh ha Sohra deiwa pynbiej paidbah u wa ini daw wanrah ko ya ka roi ka paar hapoh ka jylla.

I elaad ka sorkar wow sdang ya i chna luti rel hapoh ka jylla toh iwa lehbor ko neibhah ka leh tip ko wa boon hi toh kiwa pyrchah yei wan ka luti rel. Lada i ym em i ya ka aiñ kam ha Mizoram wa Nagaland wow pait yei psiah i mih ki baarjylla ini mut i wa i leh ka sorkar MUA-2 toh iwa chim kabu ka sorkar ya ka paidbah neibhah ka luti rel toh ka wow myntoi ya ki dkhot ka Congress.

Kamtæ hajrong kani ka yurim ka JNC ka kyrchaan pura ko ya ki mat dawa ka KSU wow wanrah chwa ya ki aiñ wa khlan wow yada ya i neiwan tymmoh lut u ki baarjylla kiwa da boon chwa wei pyrkhat katwon won u boon ki hadien wa wan ka luti rel.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

I daw wa wan kiwa uiñke sawari toh wa khooid wa miat wa yirngam ki khloo ymtoh wa em ka luti rel. Lada ka sorkar kwah ko u kyntu yeini i kaam toh u chna chwa ko ya ki sarok wa biang yow pynsuk chwa ya ki tre ri.

Khaddooh ka seiñ da ong ko wa emkaam u sangeh noh yei kem ya ki dkhot ka KSU neibhah ini da pynthut ya ka chnong ka thaw wei da pynwit ko yei chongsuk chongsaiñ.

Kani toh katkam ka khubor wa phah u Sambormi Lyngdoh, General Secretary JNC – Central Council.