Jowai: U DC ka West Jaiñtia Hills ynne ka 16 tarik da thoh u cha u Abdul Rahman Choudhry, President Jowai Muslim Committee yow sangeh chwa yei chna ya ka Mosque wa em ha Chahtngit hadien wa da chem wa i chna ya ini i thaw mane ym em yohbor ki katkam ka aiñ Meghalaya Building Bye-Laws 2011 wa ka Town and Country Planning Act.
Ynnin ka 15 tarik hei emlang u SP ka WJH, u CEO ka JMB, u Inspector ka Urban Affairs Department, Jowai wa kiwi ki sahep ka district da hiar li sylli ki ya kani ka thaw wei ki dkhot ka Jowai Muslim Committee leh da phla ki wa ym em chim bor ki neiwon neiwon yow chna ya kani ka Mosque kamjooh ya ki paikhana wa kiwi kiwi.
Kamtæ hadien wa u SP ka WJH kamjooh u Town Planning Officer, Meghalaya Urban Development Authority, Jowai Unit da e ki ya ka Report yeiwa chem ki ynnin, u DC da rai u wow phah sangeh chwa yeiwa chna ha kani ka thaw kat wym pu yohbor ki na ki tnat sorkar wa pait ya ini i kaam.
Discussion about this post