Jowai: Ka seiñ HYC – JHC kamwa da leh ha kini ki bnai wa da dep da booh dorkhat ko ha ki MLA ka ri-loom Jaiñtia wei ha kani ka kynti won hapoh i yahkhmat u President yong ka u Damanleki Lathong, da lai booh ko ya ka ha u MLA ka Sutnga-Saipung u Hopeful Bamon.
Ha kani ka dorkhat da klam chaphang wow pynneh pynsah wei wow kyntu ya ka ktien ka thylliej deiwa wanrah ya ki ha ki skur, ki College wa ki skurbah wei emkaam ubtip u thoh wa u puræ hei Khasi hadooh class XII.
“Ka ktien Khasi ya ryngkat i bor ko i jooh wow psiah ha ka bynta wa phra ka riti synchaar ka i India” da ong ka seiñ heiwa da ong ko wa wmkaam u tipmit yaka kam National Language.
Da ong ko wa ka MBOSE toh ka board wa pait yaki skur hapoh jylla, kamtæ emkaam wow pynchlur wow pynpsiah yaka History ha ki Syllabus ki khynnah skur hei ktien Khasi.
Hawa kyruiñ cha ka kaam baamtooh da ong ka seiñ wa emkaam ya ki aiñ wa khor wow pait wei wow sonteri yakani ka kaam kawa man pyrchah aiñ.
Kamtæ da kyntu wow booh noh da ka aiñ Meghalaya Lok Ayukta Act kawa khlan wow pait ya kini ki kaam baamtooh hapoh jylla.
Kani toh katkam ka khubor na u Pynishai Lathong, uwa man kam u Sports Secretary ka seiñ.
Discussion about this post