Thooh tre ka liang pyrchah yei kaam baam-tooh ha ka dorbar ka KHADC

Shillong: Ka dorbar mang tyngka yong ka KHADC da lai ko cha ka sngi wa ar wei mar ya sdang u Chairman, u LG Nongsiej uwa da pynbna wa u Teinwell Dkhar da chim noh wow pyndam chwa yei wanrah ya ka No Confidence Motion pyrchah ya ka EC u P N Syiem.

Ha ka kynta booh ya ki phang kylli wei jubab, neiliang ka MDC na Mylliem ka Teilinia Thangkhiew wa u MDC na Langrin, u Manstudy Nongrem da kylli ki heiyatoh wa baam tooh wa T. 34 Lak ha ka tnat khloo yong ka Council wei yei jubab da e da ka EM wa pait yeini ka Grace M Kharpuri kawa da pyntip wa ka Council da pyndam kreh chipor ko ya ki sahep wa kynthup ya u T. Saiborn, u M. Lyngdoh wa u Baniwell Lyngdoh. Da ong ko leh wa da leh yeini yow pynman ya ka takit kawa khooid.

Ka EM leh da pyntip ko wa neiliang ka council ym pu em ujor pulit ko hajrong ini neibhah dang pynman ya ka takit kawa da khlieh da ka Additional Judge yong ka District Council Court, ka S.B. Laitthma.

Chooh Chooh neiliang ka EM da pyntip ko wa ya ini i kaam da phah leh cha ka Internal Special Audit yow chem yei baamtooh wa T. 34 Lak.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hadien wa kut ka kynta kylli wei jubab, u MDC ka Nongkrem, u H S Shylla da yieñ u wow dawa yei paan maap na u P T Sawkmie, MDC ka Mawlai yei klam poh yong oo ya ki dkhot ka liang synchaar ha ka sngi nyngkong ka dorbar deiwa ong u wa ki dkhot ka PDF toh ki khynnah biah poster.

Hadien ka yania wa chimbynta leh u MDC ka Mawkhar, u James Ban Basaiawmoit neiliang u MDC ka Mawlai da smat u wow pyndem noh yei bakla u wow klam.