Wai ka Rotary Club Jowai ya ka Paikhana ha ka R.C. Eve Upper Primary School, Mihmyntdu

Jowai: Ka Rotary Club Jowai ynne ka sngi da wai ko ya paikhana wa da chna ko neibynta ka Mihmyntdu R.C. Eve Upper Primary School kam chibynta ka WINS Project.

Ka T. Lakiang ka dkhot ka Rotary Club Jowai da pyntip ko wa ka Rotary Club da sdang ko ya ka Rotary India Literacy Mission ka wow yarap pyndooh yei man ki bru ki wym tip u puræ puthi katwa ka Wash In School (WINS) Project toh wow yarap ya ki skur u em ki ki paikhana, ki thaw sait kti, ka um wa biang yow pynchlur ya ki khynnah u man ki kiwa leh khooid.

Na chwa ha kani ka skur em ko du kawi ka paikhana wa pynemkaam lang ki chynrang wa kynthai wei ha kani ka paikhana leh da booh yei thaw sait kti ya ki khynnah.

Ka Lakiang leh da pyntip ko wa da jied ya kani ka skur toh neidaw wa kani ka skur man ko kawi na kawa yarap ya ki khynnah ki wym yoh u lai skur (out of school students) deiwa pynman da ka Morning School nadooh 6 waje hadooh 9 waje. Neiliang ka Rotary Club da su ko leh ya uwi u wa sikai wa wan chim extra class 2 bnai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U President ka Rotary Club Jowai u James Pohsngap hei klam yong oo da ong u wa ka Rotary Club da yarap ko leh wow pyndooh jait yei kjut Polio hapoh pyrthai wei da tipmit leh yeini da ka UNO.

Ha ka puræ puthi won cha kani ka skur da dep e leh ki tiar computer, ka projector cha kani ka skur hapoh ka e-learning program. Da kyntu u leh ya ki khynnah wow man kiwa minot, kiwa krehchitom wei kamjooh wow syndong ya ka paikhana.

Ha kani ka sngi da thung leh ya ki tre dieñ ha rood kani ka skur.