Jowai: Ka Ministry of Railways da yaleh ko katwa ye wow pynyaar wei wow pynmiat ya ki luti rel ha kylleiñ ka thaiñ mihsngi ka ri ya kawa da ekti ha ka Northeast Frontier Railway wa pait ya 8 tylli ki jylla kiwa kynthup ya ka Assam, Arunachal Pradesh, Nagaland, Manipur, Mizoram, Tripura, Meghalaya wa Sikkim.
Na ki 8 jylla ka luti rel da poi ko ha ki 7 tylli wei ya ka jylla Sikkim won daw sdang ya ka Project Sivok-Rangpo (kawa 44 km).
Ha kini ki 3 snem da pyndep ya kiwa boon ki kreh ha ki luti rel kiwa kynthup ya kini hawah :
(i) Naharlagun wa em kamwa 10 km na Itanagar, kawa man ka nongbah ka Arunachal Pradesh wei da em ka rel kawa lai bait cha Delhi.
(ii) Da pyllait ya ka mang poisa yong ka luti Balipara-Bhalukpong na Arunachal Pradesh ya kawa daw booh da ka Broad Gauge Connectivity.
(iii) Ka jylla Meghalaya leh da yoh luti rel ko na Dudhnoi-Mendipathar.
(iv) Deiwa wai ya ka Lumding-Silchar Broad Gauge Line, ka Barak Valley da yoh ko ya ka Broad Gauge Network.
(v) Ka Agartala, kawa man ka nongbah ka Tripura leh da yoh ko ya ka Broad Gauge.
(vi) Kamwa 29 tylli ki rel thymme da booh ha kani ka thaiñ Mihsngi,
Da em kattu 20 tylli ki project kiwa em ya 12 tylli ki luti thymme wa jrong hadooh 1,664 Km hei lut kamwa T. 43771 Klur da pynkrehkaam ha ka thaiñ Mihsngi.
Discussion about this post