Pynche u Dawanpoimi Laloo yei mantre u ya ka China Bazar

Shillong: U President ka Meghalaya People’s United Front (MPUF), u Dapoiwanmi Laloo da pynksan u hajrong wa man u kam u tre ka dukan wa tip kam ka China Bazar kawa la pynlai da u baar jylla.

Hawa yaklam wa ki wa pathai khubor ynne ka sngi ha Shillong neiliang u Laloo u da ong u wa ya ka tai ka dukan da thied u nadooh u Niatung (April) uni u snem na uwi u baar jylla wa tip pyrtuid kam u Arashad heidor T. 90,000.

Chooh chooh u Laloo ynne ka sngi ym ye won u wow pynsakhiat yei man tre u neibhah ym em u ki kot ki sla (Sales deed) yow pynsakhait yeiwa da thied u ya ini i dukan tangwa da wanrah u ya ki kot wa da dep register ha ka office ka Sales Tax hei pyrtuid yong oo wa ki kot wa da dep register ya ki baar jylla ha ka JHADC.

Iwa pynlyngngoh chooh toh wa u president ka MPUF ymtip u tang yei pyrtuid yong kiwa kreh u ha i dukan wei hadien wa pynbor kiwa pathai khubor da ong u wa i pyrtuid yong u manager u toh u Ahmed wei sa uwi uwa kreh u ym tip pyrtuid u oo, katwa kam won u toh em sa 4 ngut ki kynthai tre ri kiwa kreh ha ka tai ka dukan.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hawa kylli won wa hachwa wow e kaam u, da dep thooh bniah u ya ki tai wa kreh baarjylla, ym ye u wow jubab wei ymtip u leh nadooh ynnu wan ki cha ri-loom Jaiñtia. Da ong u leh wa nadooh wa thied u ya ini i dukan ym jooh mih u cha katai ka dukan wei da chaniah bait u ha u Manager wei da poi u cha ka dukan ha ka sngi wa lai kynreh ka JYF wa ka JSU ya ka dukan.

Neiliang u Laloo da pyntip u wa da e FIR u pyrchah ya ka JSU waka JYF hei yatoh wa ini i kaam.