Da wai paidbah ya ka yung skur Seiñ Raij Secondary School Jalaphet

Jalaphet : U ma Shitlang Pale uwa man kam u Co-Chairman ka Meghalaya State Planning Board haka 13 tarik uni u bnai da wan wai paidbah u yaka yungskur wa thymme yong ka Seiñ Raij Secondary School Jalaphet East Jantia Hills kawa da chna ha i lut kamwa 34 lak 84 hajar 750 tyngka.

Ha kani ka sngi wai paidbah yaka parom wa tbian chaphang kani ka skur da khana da u Headmaster ka skur u ma Pynkhraw Dkhar. Da ong u wa ya kani ka skur da seiñ nyngkong haka 17.2.1949 kam ka L.P School,  haka 19.2.1979 da pynku cha ka U.P School, kamtæ kat nanglai ki por i stad i tip nang emkaam i ha kani ka chnong heiwa haka 15.2.2008 won da ye u pynku cha ka secondary level.

Da ong u leh wa ha kitai ki snem yong i sdang ya kani ka  Secondary level da pynman skur haka yung wada chna ka chnong daka tin, kamtæ hadien wa da yoh yarap kamwa 10 lak naka MLA skhim how snem 2010 na u ma Shitlang uwa man leh u local MLA deilang i e kyllooid poisa lang ka chnong kamwa  24,84,750 da ye u pynieiñ kamwa man ko katni.

U ma Shitlang Pale uwa man kam u kongsan hawa klam ha kani ka sngi da pynsñiaw u yei kmen wa khroo wow yoo khrui ki khynnah kani ka chnong wa wan chakhmat wow chim bynta ha i puræ puthi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da kyntu yaki paidbah kani ka chnong wow pynchlur ki yaki khynnah wow lai skui nei bynta wow yoh yei stat i tip.

U symbood kongsan u ma W.S.Challam Joint Director School Education Literacy, Meghalaya, Shillong da ong u wa i stad i tip man i iwa  kordor tam haka pyrthai wei wym em wa ye u tooh, heijooh i por ong u wa i stad u tip toh kawa suk u ioh lada i kwah i ki, kamtæ kyntu u ya ki khynnah u wan ki chakhmat wow chim wynta hei puræ puthi.

Kiwi kiwa da e klam ha kani ka sngi kynhtup ki ya u MDC ka JHADC u ma Hopingstone Bareh uwa man leh u local MDC ka thaiñ, u Philip Tangliang Local MDC Jalaphet Bri Sumer, u A.H.Darnei MDC ka Saipung wa kiwi kiwi.

Da yoh haroh i klam kyntu kyrsu na u wi u nongchong chnong u wa man kam ka nuksa wa bha ya ki khynnah skur haka puræ puthi, neibhah dang ha kini ki sngi dep yoh u ya ka nam PhD ha ka subject economic u wa man leh u khynnah wa jooh puræ na kani hi ka skur uni toh u khynroo Dr. Rikil Chyrmang.

Da pynchongchit chuh chuh ia kane ka sngi dei iachim wynta ki khynnah skul hei rwai i chad wa kiwi.