Cheiwon wiar ki montri wa ki MLA ka Congress wow yada ya u Dr. Mukul- Kylli ka Deborah Marak

Shillong: Ka Montri ka tnat puræ puthi ka jylla, ka Deborah C Marak, kawa man leh kawa yahkhmat leh yong ka Congress ynne ka sngi da kylli ko wa cheiwon wiar kiwa yahkhmat ka Congress heiwa kiwi ki party ri-loom kamjooh waka NPP waka BJP da wan kamtre ki ya ka ri-loom Jaiñtia wa ka Khasi.

Da ong ko wa ki liang pyrchah wa kynthup ya ka UDP, HSPDP wa kiwi da ye ki wow pynkhor ya u Dr. Mukul ha yung dorbar chna aiñ wei boonsieñ da haap jubab u samen.

“Ki MLA ka liang pyrchah ki klam ki ha yung dorbar deiwa pyn-eh snieh pathoo hi-eh ki wei ym ye ki u wanrah ya ki phang wow tei ya ka jylla katwa u Dr. Mukul oo ye bait u wow jubab yei klam yong ki samen u” da ong ka Montri.

Da yaroh ko leh ya u Dr. Mukul kam u Montri Rangbah, wei da ong ko wa oo toh u bru wa stat na kiwa boon kiwa kwah u ksoh ya ka chuki Montri Rangbah ka jylla.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da ong ko leh wa lada ka Congress ympoi de ko hei bor synchaar ha u 2018 dei yi wonde u jied ki paidbah neibhah ym em de kiwa biang wow yah khmat ya ka jylla lait noh u Dr. Mukul.

Hanlada waroh ki tnat kharkhana da ksoh da u Dr. Mukul ym em yahaap ko yeiwa pynbaad ka BJP wa oo emkti u wa ki kharkhana pynmih khyndawbilat wow pynku dor yei dor i khyndaw bilat wei ym em yatoh ko wow pynyoh poisa neibynta ka Election ha u snem 2018.

“Ka BJP da pynbaad ko wa kiwa yahkhmat ka Congress emkti ki wow pynku dor yei Khyndawbilat na ka T. 280 cha ka T. 400” da ong ka Deborah.

Da ong ko leh wa i daw wa pynku dor toh ya ki mar toh neidaw pynmih ka sorka pyrdi ya ka Goods and Services Tax (GST).

(Feature Image-File Photo)