Pyllait paidbah u Dr. RC Laloo ya ka kot “Iei Syllai u Pynkhai”

Jowai : U Dr. RC Laloo, Deputy Chief Minister wa pait yei puræ puthi ynnin ka 13 tarik da pyllait paidbah u ya ka kot u wa da thoh da u m Kamai War kawa da e pyrtuid ka “Iei Syllai u Pynkhai” ha Circuit House Jowai, u ma Kamai War leh man u leh u tre yong ka Jaintia Museum.

U ma Kamai War da sdang u ya ka  Jaintia Museum kawa em ha Pohlangdoh Chutwakhu, Jowai weiwa da pynkup burom leh ya oo da ka Meghalaya Tirot Sing Award ha u snem 2007. Ha ka  Museum da booh palat 300 tam ki tiar yongrim kiwa da tip pyrtuid weiwa da tip leh yei rukom pynemkaam ya ki.

Ha kani ka kot wa da booh leh ya ki dur yong ki tiar ki tar heiwa da thoh leh yei pyrtuid yong ki kamjooh leh yei rukom pynemkaam ya ki. Na ki palat 300 tylli ki tiar kiwa em ha kani ka Museum da booh dur dang du 100 tylli.

U ma Kamai War da pyntip u wa ha kani ka kynti da ye u thoh dang du 100 tylli ku tiar na ki 300 tylli wei yooluti u leh wow ye u thoh ya waroh 300 ha ka kynti wa ar.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Ki tiar wa da thoh ha kani ka kot kynthup ki yaka “Chalamel”, “Bom Heh”,  “Duitara” “Ramynthein”,  “Ksing Seid”, “Chawiang”, “Takudiah”. “Khoh bet”,  “Sula Jrong Kynthai”, ” Wait lyngka” wa kiwi.

Ha kani ka sngi pyllait paidbah ya kani ka kot da sakhi leh da u  Dy CEM, JHADC u ma Andrew Shullai, u  Additional Deputy Commissioner West Jaintia, u ma S.C.Laloo wa kiwi kiw ki waheh.